قصيدة عن رسول صلى الله علية وسلم تهل دمعك غصب

[center] هاااااااي اليوم جايبة لكم قصيدة روعة
هذي قصيده عن الرسول صلى الله عليه وسلم سمعتها انا في انشوده اسلاميه

واعجبتني كثير وهليت عبراتي على حزن القصيده وتوجد على رسول الله وحبيت انقلها لكم


فعت سمر الجدايل وانتخت بالقذلة الهلّة===تبي مني عروسٍ للقصيد ازريت لاغويها

ويوم اني لقيت لْها الخلوج وجيت ابا اوصله===تنحرك الكلام اللي فهقها دون مغليها

خضع لك راس مسبوق القصايد وانحنى كلّه===وانا بك شاعر الدنيا ومشغلها وماليها

يذكرني رحيلك مجلسٍ باقي على حله===مداهيل الرجال اللي تنومسنا مواطيها

هنا سليت سيفٍ يوفي الثارين من سلّة ===هنا علقت رمحٍ يطعن الجوزا ويطفيها

هنا بينت مصحفك الكريم ودلنا دلّه===معك نبدا مواعيد الكلام وننتهي فيها

هنا ساقيت غصنٍ من غلا كنّا تحت ظله===نسولف بالغنا يابايع الدنيا وشاريها

هنا كان الرجل جبال ما تقبل خنا الزلّة===عمايمها سحاب وابلة باقي مواضيها

رجالٍ لو تشوف الما غدر ما شربته لله===نبت عشب الرضا ياسيدي بأول مغازيها

هل التوحيد وكنوز العلوم ونصرة الملة===رجالٍ يضحك التاريخ لاولها وتاليها

هنا ماضيك ورياض الخليل اللي رعى خله===شربنا عذبها مدري لعبنا في مغانيها

هنا..تخنقني العبرة وانا اكتب يارسول الله===على قبرك نسيت الناس حاقدها وحانيها

وهو قبرٍ يتيه من الفخر بالبيد وتجلّه===على حسدٍ تبين من سمايمها وصاليها

ويهناك الوفا قبرٍ يضمك في ثرى تلّه===مدامه بين فردوس الجنان وبين منشيها

وانا لامن ذكرت فراقك اللي في يدي غلّة===نسيت ان الليالي شيبتني من بلاويها

على بعد الزمان اللي يعقد الحبل ويحلّه===الى مني ذكرتك طاحت الدمعة وراعيها

سلام الله ماهز الصبا نسرينه وفلّه===على الطفل اليتيم اللي عطا الدنيا معانيها

للأمانة منقولة
مع تحياتي

مكشكووووووووره عغلى القصيده اللي اجمل من رائعه

مشكوره كل من ذوقتس